Klinikë Fizioterapie — trajtimi vjen te ju, në shtëpi

Vij te ju me pajisjet e nevojshme dhe e vlerësoj gjendjen aty ku lëvizni çdo ditë: në krevatin tuaj, në shkallët tuaja, në karrigen ku rrini orë të tëra. Programi ndërtohet mbi këto kushte reale, jo mbi një sallë të standardizuar.

Pas vitit 2024 kjo është e vetmja mënyrë në të cilën punoj. Nuk kam ambient klinike dhe nuk pres pacientë për vizita — koha e seancës shkon e plotë për një pacient të vetëm.

• Nuk udhëtoni dhe nuk prisni në radhë
• Vlerësim në ambientin ku lëvizni realisht
• Orari caktohet sipas ditës suaj, edhe pasdite
• Pajisjet e seancës i sjell unë
• Familja mëson si t'ju ndihmojë mes seancave
• Ushtrimet ju mbeten të shkruara për t'i vazhduar vetë

1. Më shkruani në WhatsApp

   Tregoni me pak fjalë çfarë ju dhemb, prej sa kohësh, dhe nëse keni bërë operacion ose keni pësuar dëmtim.

2. Ju bëj disa pyetje

   Pyes për diagnozën, ekzaminimet e kryera, mjekimin dhe punën apo sportin që bëni. Kjo më kursen kohë në seancën e parë.

3. Konsultë falas

   Ju them hapur nëse fizioterapia ju ndihmon, çfarë përmirësimi është realist dhe sa seanca mendoj se duhen. Nëse rasti juaj është për mjek e jo për fizioterapi, jua them po ashtu.

4. Seanca e parë në shtëpinë tuaj

   Caktojmë orarin, vij te ju me pajisjet dhe fillojmë me vlerësimin dhe trajtimin.

Nis bisedën

Në Tiranë mbuloj qytetin dhe zonat përreth. Shumica e pacientëve më kërkojnë pas një operacioni ortopedik, kur dalja nga shtëpia është ende e vështirë, ose për dhimbje qafe e shpine që zgjasin prej muajsh.

Orari caktohet paraprakisht në WhatsApp; mbaj edhe orare pasdite për ata që punojnë deri vonë.

Zonat: Qendër · Blloku · Komuna e Parisit · Tirana e Re · Don Bosko · Ali Demi · Laprakë · Kombinat · Astir · Yzberisht · Selitë · Sauk · Farkë · Kinostudio · Fresk · Kashar

Në Durrës punoj njësoj: seancat zhvillohen në banesën tuaj. Këtu pjesa më e madhe e punës është me të moshuar dhe me familje që kujdesen për një të afërm me lëvizshmëri të kufizuar.

Për zonat më të largëta e planifikojmë orarin që në fillim, që seancat të mos ndërpriten në mes të programit.

Zonat: Qendër · Currila · Plepa · Shkozet · Kënetë · Plazh · Spitallë · Sukth · Shijak · Rrashbull

Kristi Bylykbashi — fizioterapist i licencuar. Bachelor në Fizioterapi nga Fakulteti i Shkencave Mjekësore Teknike (FSHMT), Tiranë, dhe Master Shkencor në Sport dhe Shkencë të Ushtrimit nga University of Roehampton, Londër.

Eksperienca ime është kryesisht në rehabilitim pas ndërhyrjeve ortopedike, si dhe në trajtimin e cervikalgjisë, lumbalgjisë, çrregullimeve posturale, bursiteve dhe tendinopative.

Profili i plotë

A mund të vij te ju në klinikë?

Jo. Nga viti 2024 punoj vetëm në shtëpinë e pacientit, në Tiranë dhe Durrës. Nuk kam ambient pritjeje.

Sa kushton një seancë?

3000 L, e njëjta tarifë për të katër shërbimet. Konsulta e parë në WhatsApp është falas dhe pa detyrim.

Sa seanca më duhen?

Nuk mund ta them pa ju parë. Një numër orientues jua jap pas vlerësimit të parë dhe e rishikoj gjatë programit.

A më duhet referim mjekësor?

Jo i detyrueshëm. Por nëse keni diagnozë, raport operacioni ose ekzaminime imazherike, i shoh me kënaqësi — ndihmojnë që programi të nisë nga vendi i duhur.

Çfarë duhet të përgatis në shtëpi?

Vetëm një hapësirë sa një dyshek dhe rroba të lehta. Pjesën tjetër e sjell unë.